Аввалроқ Бош прокуратуранинг 33 ёшли ходими хизмат вақтида вафот этгани ҳақида хабар қилган эдик. Шундан сўнг марҳумнинг отаси ўғлининг 4 нафар етим қолган фарзанди ва умр йўлдоши учун нафақа пуллари тўлаб берилмаётгани учун идорани судга берган эди.
Туман суди дастлаб унинг аризасини қаноатлинтирмаган. Сўнгра ота Тошкент шаҳар судига апелляция киритган ва у ерда туман судининг қарори ноқонуний деб топилган ва иш яна қайта кўрила бошлаган. Шу вақтда марҳумнинг ҳам отаси вафот этган. Шунга кўра иш 2022 йилнинг 10 мартида тўхтатилган. Шундан сўнг марҳум ходимнинг турмуш ўртоғи Н. Раҳмонова даъво аризаси билан мурожаат қилган. Якунда 4 нафар фарзанд ва унинг турмуш ўртоғига нафақа тўлиш бўйича даъво талаблари қисман қаноатлантирилган.
Энди жавобгардан Н. Раҳмонова фойдасига 951 275 952 сўм миқдорида бирйўла тўланадиган нафақа пули ва 20 000 000 сўм миқдорида маънавий зарар ундирилиши ҳамда давлат фойдасига 76 642 076 сўм давлат божи тўланиши белгиланди.
