Яхши қўшничилик, парламентлараро алоқалар янада мустаҳкамланади

Яхши қўшничилик, парламентлараро алоқалар янада мустаҳкамланади
Халқимизда “Ҳовли олма, қўшни ол”, деган деган пурмаъно ибора бор. Донишманд ота-боболаримиз топиб айтган бу ҳикмат замирида жуда катта маъно мужассам. Зеро, Ўзбекистон ва Қозоғистон яқин қўшнилар, вақт синовидан ўтган ҳамкорлардир.

Кейинги йилларда Президентимиз Шавкат Мирзиёев ва Қасим-Жомарт Тоқаевнинг ўзаро биргаликдаги саъй-ҳаракатлари туфайли бу алоқалар янада мустаҳкамланди, мамлакатларимиз яхши қўшни ва ўзаро манфаатли ҳамкор сифатида тараққиёт йўлидан елкама-елка бормоқда. Турли соҳаларда муносабатларнинг фаоллашгани эзгу мақсад — минтақа халқларининг янада яқинлашишига хизмат қилмоқда.

Ўзаро манфаатли ҳамкорликни ривожлантириш учун мутлақо янги сиёсий иқлим, дўстона муҳит вужудга келганини намоён қилувчи айрим мисолларга тўхталиб ўтиш мақсадга мувофиқ. 2016 йилдан эътиборан олий даражада 3 та давлат ва 8 та ишчи ташрифлар амалга оширилди. Икки ва кўп томонлама тадбирлар доирасида жами 17 та учрашувлар ўтказилди.

2018 йилдан бери икки томонлама ўзаро муносабатларнинг янги механизми – мамлакатлар ўртасидаги минтақалараро ҳамкорлик форуми ишга туширилди. Натижада иқтисодиётнинг устувор тармоқларида 819,8 миллион долларлик қўшма лойиҳаларни амалга ошириш бўйича икки томонлама ҳужжатлар имзоланди.

Қувонарлиси, сўнгги йилларда Ўзбекистон-Қозоғистон савдо-иқтисодий ҳамкорлиги фаоллашди. Хусусан, 2016 йилда икки мамлакат ўртасидаги савдо айланмаси 1,81 миллиард долларни ташкил этган бўлса, 2019 йилга келиб 3,5 миллиард долларгача кўтарилди. Томонлар бу кўрсаткични 10 миллиард долларга олиб чиқиш учун зарур чораларни кўрмоқда.

Мамлакатлар ўртасидаги парламентлараро ҳамкорлик тобора фаоллашмоқда. Ўзбекистон ташаббуси билан Қозоғистон парламенти билан парламентлараро дўстлик гуруҳи тузилди. Кейинги икки йил мобайнида парламент делегациялари алмашинуви бўлиб ўтди. Бу жараёнда икки томонлама парламентлараро ҳамкорликни ривожлантириш бўйича амалий чора-тадбирлар режаси имзоланди.

Олий Мажлис Қонунчилик палатаси Спикери Нуриддинжон Исмоилов бошчилигидаги делегация аъзоларининг Қозоғистон Республикасига расмий ташрифи ва ташриф чоғида бўлиб ўтган учрашувлар парламентлараро алоқаларни янада мустаҳкамлашга замин яратади.

Таъбир жоиз бўлса, қонун чиқарувчи органларнинг ўзаро ҳамкорлиги икки давлат ўртасидаги муносабатларнинг юқори даражасини таъминлаш, иқтисодий-ижтимоий ривожланишга ижобий таъсир кўрсатади.

Партиямиз қонун ижодкорлиги ва парламент назорати соҳасида тажриба алмашиш, икки давлат ўртасидаги дўстона муносабатларни янада кенгайтиришнинг ҳуқуқий асосларини яратишда парламентлараро ҳамкорликни мустаҳкамлаш нечоғли катта аҳамиятга эга эканлигини яхши тушунади. Зотан, биз мазкур йўналишдаги қизғин алоқаларни қўллаб-қувватлаймиз ва ҳамкорликнинг янада ривожланиши тарафдоримиз.

Актам ҲАИТОВ,

Олий Мажлис Қонунчилик палатаси

Спикери ўринбосари

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университети: 21 май - Кутубхоначилар куни муносабати билан тадбир ўтказилди...

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов СамДУ да фаолият...
21-05-2024, 23:19

Самарқанд давлат университети: “Антропоген ландшафтшунослик: тадқиқот методлари, модернизация ва барқарор ривожланиш” мавзусида халқаро илмий-амалий конференция ўтказилди...

Илмий-амалий анжуман Ўзбекистондаги “Антропоген ландшафтшунослик” илмий мактаби асосчиси, география фанлари доктори, профессор, “Эл-юрт...
21-05-2024, 23:15

Инсон хотираси азиз Академик Ботир Валихўжаевнинг “Танланган асарлар”и тақдимоти бўлиб ўтди…

Самарқанд давлат университетида Ўзбекистон Республикаси фан арбоби, академик Ботирхон Валихўжаевнинг уч жилдли “Танланган асарлари”...
17-05-2024, 23:18

Самарқанд давлат университети: “Турк дунёси математиклари жамияти” (ТWМС) бошқарув кенгаши аъзолари кўчма йиғилиши бўлиб ўтди...

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов “Турк дунёси...
17-05-2024, 23:09

Самарқанд давлат университети Анқара Боязид Йилдирим университети билан ҳамкорлик меморандумини имзолади...

Самарқанд давлат университетига Анқара Боязид Йилдирим университети ректори, профессор Али Cенгиз Кўсеоғлу бошчилигида делегация ташриф...
15-05-2024, 23:05
Ўзбекистон янгиликлари » Сиёсат » Яхши қўшничилик, парламентлараро алоқалар янада мустаҳкамланади