Ўзбекистон Украинага гуманитар ёрдам юборгани маълум бўлди. Бу ҳақда Закарпатська вилояти раҳбари Виктор Микита хабар қилди.
Таъкидланишича, Ўзбекистон томони Украинага 34 тоннадан ортиқ гуманитар ёрдам жўнатган ва у вилоятга етиб борган. Гуманитар ёрдам таркибида дори-дармон, индивидуал дори қутилари, узоқ муддат сақланадиган озиқ-овқат маҳсулотлари, жами 400 минг донадан ортиқ бўлган 21 та позициядаги маҳсулот борлиги маълум қилинди.
Мазкур ахборот Украина томонидан тақдим этилган бўлиб, Ўзбекистон бу бўйича ҳали расмий ахборот бергани йўқ.
