Мун Чжэ Ин: Ўзбеклар бундан 80 йиллар олдин бошпанасиз қолган корейсларни ўз бағрига олгани учун корейс халқи Ўзбекистондан жуда миннатдор

18-04-2019, 09:48
Сиёсат
Мун Чжэ Ин: Ўзбеклар бундан 80 йиллар олдин бошпанасиз қолган корейсларни ўз бағрига олгани учун корейс халқи Ўзбекистондан жуда миннатдор
Корея Республикаси Президенти Мун Чжэ Ин Ўзбекистон Республикасига давлат ташрифи арафасида Ўзбекистон ОАВга интервью берди.

Президент ўз интервьюсида корей халқи Ўзбекистондан жуда миннатдор эканини таъкидлади.

– Аввало, корейс халқи Ўзбекистондан жуда миннатдор эканини алоҳида таъкидамоқчиман. Ўзбек халқи бундан саксон йиллар олдин бошпанасидан айрилган корейс миллатига мансуб фуқароларни ўз бағрига олди. Ўша вақтда Ўзбекистон ва унинг аҳолиси Иккинчи жаҳон уруши бошланиши билан боғлиқ мураккаб даврни бошдан кечирганини ёдга оладиган бўлсак, миннатдорлик туйғуси янада ортади. Корея Республикаси машаққатли йилларда беминнат ёрдам қўлини чўзган ўзбек халқига чуқур ҳурмат-эҳтиром ва дўстлик туйғуси билан қарайди.

1992 йилда, Ўзбекистон ўз мустақиллигига эришганининг кейинги йили мамлакатларимиз ўртасида дипломатик муносабатлар ўрнатилди. Икки давлатнинг бундай жадал яқинлашуви асосида дўстлик ва ўзаро ишонч муносабатлари мужассам эди. Мамлакатларимиз ўртасидаги алмашинувлар кенгайиб, энергетика, автомобилсозлик, тўқимачилик саноати, логистика, ахборот технологиялари ва молия соҳаларида жадал ривожланди. Ўтган йили ўзаро савдо ҳажми мамлакатларимизнинг алоқалари тарихидаги максимал кўрсаткич – 2,1 миллиард АҚШ долларига етди.

Шунингдек, давлат раҳбарлари даражасидаги мулоқотлар ҳам фаол ривожланмоқда. Президент Шавкат Мирзиёев билан биргаликда халқ ва унинг манфаатлари ҳамма нарсадан устун бўлган давлат бошқаруви фалсафасига амал қиламиз, шахсий муносабатларимиз ҳам яқин дўстлик ва биродарлик руҳида мустаҳкамланиб бормоқда.

Мамлакатларимиз биргаликда яратаётган келажакка катта умид билан қарайман. Халқларимизнинг бир-бирига ишончи ва самимий туйғулари чуқур илдиз отади, амалдаги ҳамкорлик тажрибаси эса, унинг келгуси равнақига хизмат қилади. Ўзбекистон Республикаси ва Корея Республикаси Евроосиёнинг тинчлиги ва муштарак тараққиётини таъминлаш йўлида ҳамкорлик қилишига ишонаман, - деди Корея президенти.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Вазирлик кун давомида нечта кишида коронавирус аниқланганини маълум қилди

Соғлиқни сақлаш вазирлиги 4 июнда кун давомида нечта кишида коронавирус аниқланганини маълум қилди. Маълум бўлишича, 4...
Бугун, 01:12

ДХХ дори ва тиббий ниқобларни Тожикистонга ноқонуний олиб ўтмоқчи бўлган шахсни қўлга олди

ДХХ дори ва тиббий ниқобларни Тожикистонга ноқонуний олиб ўтмоқчи бўлган шахсни қўлга олди. Бу ҳақда EVERYDAY.UZ...
Кеча, 22:15

«Нима бўлганини билмайман» – Ота-онасини кетмон, болта ва белкуракнинг сопи билан уриб ўлдирган андижонлик йигитга ҳукм ўқилди

Андиижонда тутинган ота-онасини ўлдирган 32 ёшли эркакка суд ҳукми ўқилди. Бу ҳақда Дарё нашри хабар қилди. Маълум...
Кеча, 21:45

Фото: Наманганда юк автомашинасининг тормози ишламай қолиши оқибатида мудҳиш ЙТҲ содир бўлди

Наманганда юк автомашинасининг тормози ишламай қолиши оқибатида мудҳиш ЙТҲ содир бўлди. Бу ҳақда ИИВ Тергов...
Кеча, 21:12

Актам Хаитов бошчилигидаги депутатлар Сўхга борди

Олий Мажлис Спикери ўринбосари, ЎзЛиДеП фракцияси раҳбари Актам Хаитов бошчилигидаги депутатлар Сўхга борди. БУ ҳақда...
Кеча, 20:52
/ Муҳокамалар +1