Ўзбекистонда Давлат ер ва кадастр назоратини амалга ошириш тартиби тўғрисидаги низом тасдиқланди. Бу бўйича 14 апрелда Вазирлар Маҳкамаси қарори қабул қилинди.
Унга кўра, ушбу соҳада кузатилган қонунбузилиш ҳолати ҳокимликлар, Кадастр агентлиги, Қишлоқ хўжалиги вазирлиги, Экология қўмитаси томондан назорат ўрнатилиши белгилаб қўйилди.Таъкидланишича, ер мониторингида қонунчилик бузилиши кузатилганда, электрон тизим орқали ва аэрокосмик суратларни солиштиришда қонун бузилиши қайд этилганда, ер қонунчилиги бузилишига оид мурожаатларга кўра, ОАВ ёки ижтимоий тармоқлардаги хабарлар асосида ёки суд ва бошқа органларга ерга оид ҳуқуқбузарлик ҳақида ахборот келиб тушганда ер назорати 10 иш кунида ўтказилади.
Маълум бўлишича, ерни ўзбошимча эгаллаб олганлар ҳақида хабар берганлар БҲМнинг 10 фоизи (27 минг сўм) миқдорида рағбатлантирилади.
