Собиқ Бош прокурор Рашид Қодиров судининг тафсилотлари нега ошкор қилинмаётгани юзасидан Жиноят ишлари бўйича Тошкент шаҳар суди раиси Бахтиёр Исломов изоҳ берди.
"Бу жиноят иши доирасида 13 нафар шахс ҳозирги кунда судга берилган. Уларга ҳам фирибгарлик, пора олиш, пора бериш, айбсиз кишини жавобгарликка тортиш, тергов қилишга ва суд ишларига аралашиш ҳолатлари юзасидан айбловлар қўйилган. Жиноят иши ўта мураккаб, кўп воқеали бўлгани муносабати билан жиноят ишини судда кўриш муддати жиноят процессуал кодексининг 405-моддаси тартибида 4 ойгача узайтирилган. Улгурмадик, сўроқ қилинадиган одамларнинг сони ҳам жуда кўп, шунинг учун бугунги кунда суд тергови ҳали давом этмоқда. Суд тергови якуни бўйича қонуний қарор қабул қилинади ва менинг ўйлашимча бу ОАВда ёритилади", - дейди Б. исломов.
