Ташқи ишлар вазирлиги террорчилик ҳаракатларини қоралади. Бундан ташқари, ушбу ҳаракатлар муқаддас Рамазон ойи кунлари содир этилди.
Кўп сонли қурбонларга олиб келган зўравонлик ҳаракатлари Афғонистонда барқарор тинчлик ва миллий тотувликни ўрнатишга тўсқинлик қилмоқда, — дейилади Ўзбекистон Ташқи ишлар вазирлиги баёнотида.
Республика ҳалок бўлганларнинг оила аъзоларига ҳамдардлик билдирди ва жароҳатланганларга тезроқ соғайиб кетишни тилади.
Эслатиб ўтамиз, Афғонистоннинг учта шаҳрида – Кобул, Мозори Шариф ва Қундузда портлашлар содир бўлди. Портлашлардан бири эса аҳоли кундалик намозга тўпланган масжид ҳудудида содир бўлган.
