Головченконинг сўзларига кўра, жамоат транспорти соҳасида, хусусан, унинг экологик тоза секторида ҳамкорлик қилиш бўйича таклифлар мавжуд. Шунингдек, Беларус томони Тошкентга трамвай қатновини тиклашда ёрдам беришга тайёр.
Беларус томони зарур инфратузилма, ҳаракат таркибини режалаштириш ва етказиб бериш билан комплекс ечимларни тақдим этишга тайёр”, — деди Головченко.
Учрашувда қишлоқ хўжалиги, таълим, фан-техника ва инновациялар соҳаларида ҳамкорлик масалалари ҳам муҳокама қилинди.
2021 йилда икки давлат ўртасидаги товар айирбошлаш ҳажми қарийб 302 миллион долларни ташкил этди. Бу 2020-йилга нисбатан деярли 8 фоизга кўпдир. Беларусдан асосан гўшт маҳсулотлари, дори-дармонлар, полимерлар, қуруқ сут ва диагностика реагентлари етказиб берилмоқда. Ўзбекистон ўз навбатида Беларусга ип-калава, мева (янги ва қуритилган), мис прокати ва чойшаб жўнатди.
