Ички ишлар вазирлиги Жамоат хавфсизлиги департаменти ҳамда Кинематография агентлиги буюртмасига биноан «Уч қаҳрамон» фильми суратга олинмоқда. Ҳозирда фильмнинг съёмка жараёнлари Тошкент шаҳрида давом этмоқда. Бу ҳақида "Замон", "Бу кун" ва "Марказий студия" информацион дастурларида репортаж тақдим этилди.
Кинокартинада жиноятчиликка қарши курашда бирдамлик, мардлик, жасорат ва қатъият ила ўз хизмат вазифаларини ўтаётган бир қанча Ички ишлар ходимлари фаолияти ҳақида сўз боради.
Фильм бош продюсерлари Фирдавс Абдухолиқов ҳамда Бекмурод Абдуллаев, режиссёр ва сценарий муаллифи Шоҳрух Расулов, оператор Азизбек Норматов. Фильмда ролларни таниқли ўзбек актёрлари ижро қилмоқда.
Ижтимоий тармоқларда фильмнинг суратга олиш жараёнлари билан боғлиқ видеолавҳалар айланишда давом этмоқда. Маълумот учун съёмка жараёнлари назорат остида олиб борилаётган бўлиб, ИИББ бошчилигида амалга оширилмоқда. Фильм премьераси эса 2023 йилнинг куз ойларига режалаштирилган.
Кинематография агентлиги Ахборот хизмати.
