Хонанда Озода Саидзода (Нурсаидова)га эркин ижод қилишга рухсат берилди. Бу ҳақда ОАВда хабарлар тарқалди.
Маълум бўлишича жорий йил 10 октябрь куни хонанда «Ўзбекконцерт»га эркин ижод қилиш учун лицензия сўраб мурожаат қилган. Шундан сўнг 13 октябрь куни мазкур масала юзасидан давра суҳбати ташкил этилган.
Унда хонанда йўл қўйган камчиликлари учун барчадан узр сўраган ва қаттиқ пушаймон эканлигини айтган. Шундан сўнг «Ўзбекконцерт» директори президент Шавкат Мирзиёевнинг санъат аҳлига бўлган ғамхўрлиги, меҳрибонлиги ва кечиримлилиги боис хонанда Озода Саидзода кечирилгани ҳамда унга эркин ижод қилиш имконияти яратилганини маълум қилган.
Эслатиб ўтамиз, хонанда бир неча йиллар олдин сиёсий хатога йўл қўйган, билиб-билмай, асосланмаган маълумотларга ишониб, инсон шахсиятига тегувчи ноўрин фикрлар билдирган, бундан ташқари мухлисларга нисбатан ҳурматсизлик қилган. Давра суҳбатида хонанда ана шу хатти-ҳарактлари учун кечирим сўраган.
