Хонанда Шаҳзода ОАВга берган интервьюсида тақиқда бўлган йиллари, оиласи ва ижоди ҳақида гапирди.
Хонанданинг айтишича у отаси сабабли сиёсий тақиққа тушган.
"Биз сиёсий тақиққа тушдик ва уни енгиб ўтдик", - деди хонанда.
Шаҳзода журналистнинг "Отангиз билан боғлиқми?" деган саволига "Ҳа" деб жавоб берди.
Суҳбат давомида хонанда отаси фалсафа фанлари доктори эканини айтиб ҳозирда отаси ва онаси бирга яшамаслигини, ажрашганини маълум қилди. Лекин иккиси ҳам Тошкентда яшашини айтди. Ҳозирда хонанда онаси билан бирга яшайди. Шунингдек, Шаҳзода нима сабабдан асосан рус тилида гапиришини ҳам очиқлади. Унинг айтишича, хонанда ёшлигидан Москвада яшаган ва онаси рус тили дарсидан сабоқ берган.
