Аввалроқ Ўзбекистон Халқ артисти Юлдуз Усмонова ички ишлар ходимларини ҳақорат қилгани сабабли унга нисбатан маъмурий иш қўзғатилгани ҳақида хабар берилган эди.
ИИВ матбуот хизмати раҳбари Шоҳруҳ Ғиёсов Қалампир нашрига ушбу ҳолат бўйича интервью берди.
Ғиёсов ўз интервьюсида ким бўлишидан қатъий назар барча қонун олдида тенглигини айтди. ИИВ буни амалга ошириш бўйича жуда катта ишлар амалга ошираётгани таъикдланди. Матбуот раҳбари узр сўраш ҳолатлари карантин даврида кучайиб кетганини маълум қилди.
"Ҳуқубузарлик содир этилгандан сўнг жазо битта бўлади. Қўшимча узр сўраш ҳеч нарса билан кўрсатилмаган", - деди Ғиёсов.
У шунингдек, журналистга берган интервьюда Усмонова ишига ҳам тўхталиб ўтди.
"Юлдуз Усмонова ҳақиқатдан ҳақорат қилди. Биз бу бўйича суриштирув олиб борлдик. Усмонова сардобаликларга ёрдам бериш йўлида икки-уч кун уҳламаган. Асаблари таранг бўлган ва ҳаммаси йиғилиб шундай ҳолатга олиб келинган. Айрим ҳолатларда одамлар ўйламасдан, билмасдан, руҳий зўриқиш орқали кўп маълумотларни бериб юбориши мумкин ва бундан ўзи пушаймон бўлади. Бу ерда ҳам ҳудди шундай ҳолат бўлди. Усмонова айбини тан олди ва керак бўлса ота-оналаридан узр сўрайман, деди", - дейди Ғиёсов.
ИИВ вакили Усмоновани жавобгарликка тортиш масаласи қандай кечаётганини айтди.
"Бу ерда жамиятда балансни ушлаб турадиган ижтимой ҳолатлар бор. Мисол учун, Юлдуз Усмонова халқ артисти. У халқимизнинг ишончига, ҳурматига сазовор бўлган одам. Ёшларни ватанпарварликка чақириш бўйича кўп ижодлар қилган. Шуларни инобатга олган ҳолда. Бундан ташқари, у шу пайтда руҳий зўриқиш ҳолатида бўлганлигини инобатга олиб, ўша пайтда бизнинг ходимлар бу ҳолатга нисбатан адовати йўқлигини иноабтга олиб, кечиримлилик, фуқароларга имконият бериш принципидан келиб чиқиб бунга нисбатан маъмурий иш тўхтатилган. Маъмурий иш кўраётган орган раҳбари фуқаронинг содир этган хатти-ҳаракати жамиятга етказилган зарарни инобатга олган ҳолда унга огоҳлантириш бериш ҳуқуқи бор", - дея таъкидлади Шоҳруҳ Ғиёсов.
