Бугун тармоқларда “Хафа бўлиш йўқ” дастури бошловчиси Санжар Пардаев билан боғлиқ видеолавҳа тарқалди.
Телеграм каналларда кенг тарқалган ушбу видеода бошловчи ЙПХ ходимини ҳақорат қилганини кўриш мумкин. Ходим бошловчини хавфсизлик камарини тақмаганлиги учун тўхтатган. Бунга жавобан бошловчи “таксист” эканини, лицензияси ҳам йўқлигини, шунингдек, спиртли ичимлик ичганини ҳам кесатиқ тарзида айтиб, жарима ёзишни сўраган.
Видео сўнггида бошловчи ЙПХ ходимининг ўзига ушбу жаримани тўлатишини айтиб, таҳдид ҳам қилган.
Бундан ташқари, видеолавҳа давомида бошловчи ходимнинг “кнопка”сини босиб қўйишини ҳам эслатиб қўйган.
Эслатиб ўтамиз, бу таниқли шахсларнинг қўпол сўзлар айтиб жамоат эътиборига тушиш билан боғлиқ биринчи ҳолат эмас. Аввалроқ Аваз Олимов ҳам исмини тўғри айтмагани учун бошловчини ҳақорат қилган эди.
