Аввалроқ хонанда Каниза коронавирусга чалинганини сўнгра эса ушбу касалликдан тузалгани ҳақида маълум қилган эди. Хонанда касалликка чалинган вақтида йўллаган видеомурожаати кескин танқидларга учраб, унинг кийими бўйича эътирозлар бўлган эди.
Каниза ушбу ҳолатларга ойдинлик киритиш мақсадида ОАВга интервью берди. Унда хонанда бу ишларни пиар учун қилмаганини, аксинча тизимда ишлар тўғри йўлга қўйилишини сўраб, видеомурожаат йўллганини айтди. Шунингдек, у оддий халқ даволанишда қийинчиликлрга дуч келиши мумкинлигини ҳам маълум қилди.
“Биз чорасини топамиз. Мен шифокоримни ҳам, чорасини ҳам, фалон пул қилиб қўйилган дорини ҳам топдим. Ҳамширалар ўзларидан қўрқиб келмаяпти, уларни ҳам топдик. Оддий халқ нима қилсин? Мен шуларга ёрдам бўлсин деб видеомурожаат қилдим”, – дейди хонанда.
Каниза ушбу видео унинг фойдасига ҳам хизмат қилганини маълум қилди. хонанда ушбу видеодан сўнг унга кўплаб қўнироқлар бўлганини ва унинг мухлисларидан бирининг тавсиясига кўра касалликдан тузалганини ҳам айтди. Канизага мухлиси “хрен” ўсимлигидан даволанганини айтиб, унга ҳам шуни тавсия қилган ва шундан сўнг хонанда тузалган.
“Биз ўша насрани ичиб дорини умуман четга суриб қўйдик. Қайсидир дорини 5 кун, қайсидирини 10 кун, биттасини бир ой ичиш керак эди. Умуман дорини четга суриб фақат ўшани ичдим. Шундан мен тузалдим”, – дея қўшимча қилди Каниза.
