Актер Алишер Узоқов IntervyuTV каналига берган интервьюсида хонанда Жаҳонгир Отажонов билан муносабати ҳақида гапирди.
Актер хонанда томонидан бобоси Маъмуржон Узоқовнинг “Жонон бўламан деб” номли қўшиғини бузиб куйлагани учун жаҳли чиққанини айтди.
“Жаҳонгир Отажнов бир олам. Яхши одам. Биз ҳеч қачон урушмаганмиз. Кўришганда ҳар доим яхши гаплашганмиз. Яқинда урушсаммикан деб юрибман. Менга додамнинг “Жоно бўламан деб” қўшиқларини бузиб қўйгани ёқмади”, – дейди актер.
Журналист томонидан ўзига бу ҳақда гапирмадингизми деб берган саволига Узоқов хонанда қўшиқни аллақачон бузиб бўлганини, энди айтишдан фойда йўқ эканини билдирди.
“Майли, мен бошқача жавоб қайтараман Жаҳонгир Отажоновга. Кўрасиз...” – дея қўшимча қилди актер.
