Аввалроқ хонанда Воҳиджон Исоқов Tashkent city’да карантин қоидаларига зид равишда тўй ўтказгани ҳақида ёзган эдик. Шундан сўнг хонанда
БҲМнинг беш баравари (1 115 000 сўм) миқдорида жаримага тортилгани хабар қилинган эди. Ушбу маълумот пойтахт ИИББ томонидан тақдим этилган.
Дарё нашрининг маълум қилишича, хонанда БҲМнинг беш баравари миқдорида эмас, балки 20 баравари (19 сентябрь ҳолатига кўра 4,46 миллион сўм) миқдорида жарима тўлайди. Бу ҳақда нашрга Тошкент шаҳар СЭНБ хабар қилган.
Ўз навбатида ИИББ бирламчи манбага таянган ҳолда 16 сентябрь куни ноаниқ ахборот берганини тан олган. Маълумот ўрнида, хонанда тўйида 40-45 нафар меҳмон иштирок этгани учун шундай жаримага тортилган.
