“Инсон мустаҳкам оила қуришга ҳаракат қилиши керак. Мен илк марта АҚШда бўлганимда ушбу давлат менда яхши таассурот қолдирди. Мен бошқа мигрантлар сингари шу ерда қолиб ўқишга ва ишлашга аҳд қилдим. Тақдирим экан мен шу ерда турмушга чиқдим”, – дейди актриса.
Қосимованинг айтишича, унинг турмуш ўртоғи асли ўзбекистонлик. У АҚШда автомобиль бизнеси билан шуғулланади. Улар 2013 йилдан бери бир оила бўлиб яшамоқда. Таъкидлаш жоиз, сўнгги вақтларда ўзбек шоу-бизнеси вакилларининг АҚШга кўчиб ўтиш ҳолатлари кўп кузатилмоқда. Қосимова «Иблис девори», «Менинг акам бўйдоқ», «Арзанда» ва «Уқубат» каби фильмлардаги роллари билан машҳур.
