Унинг айтишича, Саъдулла Зарина билан Муниса Ризаеванинг “Қоп қора” номли қўшиғига клип олиш жараёнида жанжаллашган.
“Ўша пайт унинг юлдузлиги “пик”га чиққан эди. У бировни бир тийинга олмасдан юрган ва бу менинг энсамни қотирган. Суратга олиш жараёнида Қобил (“Дизайн” жамоасининг бошқа бир аъзоси Қобил Каримбердиев – таҳр.) савол берса менсимай жавоб берган. Эртаси куни грим хонасида гаплашиб ўтирган пайтимизда гапимиз тўхтаб қолган ва ўша вақтда хонага Зарина кириб келган ва “нега тўхтаб қолдинглар, гапимни пойлаябсизларми” деган. Мен унга жавобан ҳазил қилиб “сизнинг гапингизни нега пойлаймиз, ўзи сизнинг овозингизга ўргана олмаяпмиз, кинода бошқа одам овоз беради-ку”, дедим. У эса “ажаб бўлибди, кимгадир овоз, кимгадир чирой берилади” деди. Мен “сизга нега иккаласи ҳам берилмаган?”, дедим. Зарина шу ҳазилимни кўтара олмай бақир-чақир қилиб кетиб қолди. Тинчлан биз шунчаки ҳазиллашяпмиз десам, “ҳозир келишади, сени тинчлантириб қўйишади” деб давом этиб қолди. Кейин мен аёл киши билан тенг бўлмай деб чиқиб кета қолдим”, – дейди Саъдулла Фатҳуллаев.
