“30 йил давомида унинг кимлигини ҳамма билиб олди” – Отажонов Юлдуз Умоновага жавоб қайтарди

Аввалроқ Жаҳонгир Отажонов президентлик сайловларида иштирок этишни хоҳлаётгани ҳақида ёзган эдик. Кейинроқ Юлдуз Усмонова собиқ ҳамкасбининг сайловда иштирок этиш нияти юзасидан фикр билдирди.

Усмонова Отажонов сайловда қатнашишга муносиб эмаслигини айтиб, ўз карьераси ва оиласи билан шуғуллана олмаган одам президентликка мос эмаслигини айтди. Кеча, 13 февраль куни Отажонов инстаграмда жонли эфир вақтида Усмонованинг гапларига жавоб қайтарди.

“Бу ҳолат изоҳ беришга ҳам арзимайди. 30 йил давомида унинг кимлигини ҳамма билиб олди. Ялоқиларнинг тарифига эҳтиёжим йўқ”, – дейди собиқ хонанда.