Ижтимоий тармоқларда Тошкентдаги дўконларнинг бирида “Дизайн” жамоаси аъзолари жанжал кўтаргани акс этган видео тарқалди. Видео телеграм каналларда эълон қилинди.
Жанжал сабаби ҳозирча маълум эмас. Қизиқчилар сотувчининг юлдуз касаллиги ҳақида гапирган гапидан сўнг унга ташланган. Саъдулла Фатхуллаев ва Абдурахмон Мавлоновлар сотувчига дўкондаги буюмларни отган ва уни сўкиб ташлаган. Фатхуллаев шунингдек, сотувчини уришга ҳаракат қилган.
Артистлар ҳозирча бунга изоҳ бермади. Тармоқ фойдаланувчилари бу ҳолатни «Хафа бўлиш йўқ» шоусининг навбатдаги сони дея таҳмин қилишмоқда. Эслатиб ўтамиз, аввалроқ пойтахтдаги ресторанларнинг бирида Халима Ибрагимова ва Ахад Қаюм жанжаллашган эди.
