Озода Нурсаидованинг уйи бузиб ташланди

18-02-2019, 22:28
Шоу-бизнес
Озода Нурсаидованинг уйи бузиб ташланди
Аввалроқ хонанда Озода Нурсаидованинг тоби қочгани, юрак хасталиги билан шифохонага ётқизилгани ҳақида хабарлар тарқалган эди. Хонанда ўша куннинг эртасигаёқ тўй хизматаларига борган.

Озода Нурсаидованинг юрак хасталиги билан шифохонага ётқизилишига унинг Яккасарой туманида жойлашган ва айни дамда истиқомат қилиб келаётган уйининг бир қисми бузиб ташланиши сабаб бўлган. Бу ҳақда унинг синглиси Нилуфар Нурсаидова маълум қилган.

Озода Нурсаидова бу уйни 2004 йилда харид қилган. Шундан буён муаммолар давом этиб келаётган эди. Йиллар давомида Озода Нурсаидованинг хонадони орқа тарафида жойлашган давлат ташкилоти ерга эгалик ҳуқуқини, яъни хонандага тегишли уйнинг бир қисми давлат ерига қурилгани ва ўзбошимчалик билан эгаллаб олинганини даъво қилган. Бўлиб ўтган суд йиғилишларида гоҳ у тараф, гоҳ бу тарафнинг қўли баланд келган.

Сўнгги бор Озода Нурсаидовага Ўзбекистон Республикаси Президентининг “Фуқароларни ижтимоий қўллаб-қувватлаш бўйича қўшимча чора-тадбирлар ҳамда ўзбошимчалик билан қурилган турар жойларга нисбатан мулк ҳуқуқини эътироф этиш бўйича бир марталик умумдавлат акциясини ўтказиш тўғрисида”ги фармонига мувофиқ янги кадастр ҳужжатлари тақдим этилган ва уйи бузилишига нисбатан таҳдид йўқ бўлган.

Икки ой ўтар ўтмас, жорий йил бошида яна Нурсаидованинг хонадони бузилиши билан боғлиқ машмашалар бошланган. Хонанданинг қўлида ҳужжатлари бўлишига қарамасдан, 2019 йилнинг 8 февраль куни Яккасарой тумани МИБ ходимлари ва қатор алоқадор ташкилотлар вакиллари иштирокида огоҳлантирувсиз бузиш ишлари бошлаб юборилган. Бузиш шу куни соат 22:30 га қадар давом этган. Мазкур воқеалар ортидан хонанданинг аҳволи оғирлашган.

Маълум бўлишича, Озода Нурсаидова яшаб турган уйнинг ортидаги давлат ери деб даъво қилинаётган ерлар аллақачон хусусийлаштирилган.

Хонанданинг синглиси Нилуфар Нурсаидова қўлида барча ҳужжатлар борлиги ва Президент фармонига асосан уйи 2018 йилнинг ноябрь ойида қайта расмийлаштирилишига қарамасдан бузиб ташланган.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Абдурайим Абдуваҳобов коронавирусдан вафот этдими?

Абдурайим Абдуваҳобов коронавирусдан вафот этдими? Ушбу саволга жавоб топиш мақсадида "Дарё" мухбири Абдуваҳобовнинг...
Кеча, 23:02

Тошкент шаҳар ҳокими ва Соғлиқни сақлаш вазири ҳайфсан олди

Бугун Президент Шавкат Мирзиёев раислигида йиғилиш бўлиб ўтди. Унда Тошкент шаҳри ва Тошкент вилоятида пандемия билан...
Кеча, 22:50

Тошкент, Наманган, Андижон, Қашқадарё ва Навоийда коронавирусга чалинганлар аниқланди

Тошкент, Наманган, Андижон, Қашқадарё ва Навоийда коронавирусга чалинганлар аниқланди. Бу ҳақда ССВ хбар қилди. Маълум...
Кеча, 17:58

«Пичоқ билан унинг юзи, боши ва танасининг бошқа жойларига урдим», – самарқандлик эркак ўғлини ўлдиргани ҳақида

Самарқанд вилоятида эркак ўз ўғлини ўлдирди. Бу ҳақда STV телеканали хабар қилди. Ҳодиса шу йил 21 февраль куни содир...
Кеча, 16:35
/ Муҳокамалар +6

Тошкентда 77 ёшли отахон ўзини 9 қаватдан ташлаб, жонига қасд қилди

Тошкентда 77 ёшли отахон ўзини 9 қаватдан ташлаб, жонига қасд қилди. Бу ҳақда Бош прокуратура хабар қилди. Маълум...
Кеча, 15:30
/ Муҳокамалар +5