Аввалроқ хонанда Жаҳонгир Отажонов ички ишлар ходимлари шаънига камситувчи сўзлар билан ҳақорат қилиб видеомурожаат йўллагани ҳақида ёзган эдик.
Ушбу ҳолат шу йил 27 июнь куни содир бўлган. Шундан сўнг Отажоновнинг ҳаракатларида МЖтКнинг 41-моддаси (Ҳақорат қилиш)да назарда тутилган ҳуқуқбузарлик аломатлари борлиги аниқланган ва иш судга оширилган.
Маълум бўлишича, суд бўлиб ўтган ва унда Отажонов қилган ишидан пушаймонлигини айтган. Шунга кўра хонанда жавобгарликдан озод қилинган ва огоҳлантириш билан кифояланган.
