Таниқли хонанда Шохжаҳон Жўраев тўйларнинг бирида мухлислари даврасида олдин содир бўлган бир воқеани эслади. Бу ҳақда EVERYDAY.UZ мухбири хабар қилди.
Унда хонанда илк марта тақиққа учраган вақтини эсга олди. Унинг айтишича, илк “запрет”га у томонидан айтилган қўшиқлардан бири сабаб бўлган. Таъкидланишича, унга асакалик шоир “Омонмисан, Гулнора?” деб номланган қўшиқ ёзиб берган. Ушбу қўшиқ халққа тақдим этилгач хонанда “запрет”га учраган.
Унинг сўзларига кўра, Шохжаҳон дастлаб қўшиқ чиқишига ва ундаги сўзларга қаршилик кўрсатган. Лекин шоирнинг қистови билан ашула барчага тақдим этилган. Сўнгра унга нега айнан шу исмни айтасан дея тақиқ қўйишган. Жўраев бу воқеа 6-7 йил аввал бўлганини, у даврлар ўтиб кетганини ва бугунги кунда қайси исмни қўйиб қўшиқ айтилса ҳам ҳеч кимнинг иши йўқлигини таъкидлаган. У сўзининг сўнггида “Омон бўлсин Гулнора!” дея қўшиб қўйган.
