“Бизнинг давримизда кийимларимизга ҳам тақиқ қўйилар эди” – Низомиддинова ўзбек фильмларидаги ётоқ саҳналaрига муносабат билдирди

Машҳур актриса Зарина Низомиддинова ўзбек фильмлари ва сериалларидаги беҳаё саҳналарига муносабат билдирди. У бу ҳақда инстаграмдаги саҳифасида гапирди.

Низомиддинова сўнгги вақтларда ўзбек фильмларида цензура бекор қилинганини ва санъатга енгиллик берилганини таъкидлади. Актриса яратилган шароитдан тўғри фойдаланиш кераклигини айтган.


Зарина унинг даврида кўплаб тақиқлар қўйилганини бу ҳатто кийимларга ҳам тегишли бўлганини айтди. Актриса ҳозирда кўплаб фильмлар YouTube учун олинаётганини ва уларни тўғри тушуниш мумкинлигини қайд этган. Лекин шундай бўлсада чегарани билиш кераклигини тавсия қилган.

Агар иш яхши бўлса мухлисларни жалб қилиш учун ундай саҳналарни қилиш шарт эмас. Аввал мухлислар фильмларни бундай саҳналарсиз ҳам томоша қилишган, – дейди актриса.