Усмонова интервью давомида янги килиникани очиш жараёнида қандай қийинчиликларга дуч келгани ҳақида гапирди. Хонанда тадбиркорларга ачинишини айтиб, банкларни танқид қилди.
Олдин мен қўшиқ айтиб юраверган эканман. Тадбиркорлар фақат бой одамлар деб ўйларканман. Энди уларнинг ташвишлари кўплигини билдим. Ҳокимиятлар мустақил қарор қабул қилишга қўрқади. Туман ҳокимлигига ёзсанг аризангни шаҳар ҳокимлигига юборишади. Қурилиш учун ҳокимиятдан рухсат олишга бир йил вақт кетди. Шундан сўнг бизни банк қийнай бошлади. Юлдуз Усмонова ва Мансур Агалиев (хонанданинг эри – таҳр.) неча йилдан бери солиқ тўлайди. Наҳотки шунча йилдан бери бизга ишонч йўқ, мен жуда ҳафа бўлдим. Масалан, биргина шу йилдаги концерт доирасида 600 млн сўм солиқ тўладик. Банкирлардан жуда ҳафа бўлдим. Менку майли, ёш тадбиркорлар нима қилади? Кредитам 22 фоиз, бу кам пул эмас. Агар мен Юлдуз Усмонова бўлиб туриб қийинчилик билан кредит олсам, биз ҳеч қачон ривожланмаймиз, – дейди хонанда.
