Машҳур блогер ва вайнерлар совғалар ёрдамида онлайн қиморларни фаол равишда реклама қилишди. Мазкур ҳолат юзасидан ИИББ томонидан суриштирув ишлари олиб борилмоқда. Аниқланган барча “юлдузлар” онлайн-казинолар рекламаси тақиқлангани ҳақида билмаганликларини айтиб, аҳолидан узр сўрашди, деб хабар бермоқда ИИББ.
Текширув давомида машҳур блогер Шуҳрат Аҳмедов (shoqqi_vines) Инстаграмдаги аккаунти орқали онлайн ўйинларда иштирок этишни реклама қилгани аниқланди. Номаълум шахс блогерга бундай нашрларни жойлаштиргани учун маълум миқдорда тўлаган. Айни пайтда реклама учун пул тўлаган шахсни аниқлаш бўйича махсус чоралар кўрилмоқда.
"Тахминан бир йил олдин улар менга аноним профилдан сайтни [онлайн лотереялар] реклама қилиш таклифи билан ёзишди. Биз шартнома имзоладик, мен реклама жойлаштира бошладим. Қилган ишимдан тавба қиламан. ИИББ ходимлари менга буни қонунга хилофлигини тушунтиришди. Бу бошқа такрорланмайди”, деди Аҳмедов.
"Шуҳрат Аҳмедов мени суратга олишга таклиф қилди. Биз совғаларни суратга олаётган эдик. Кейин у менга ушбу сайт ҳақида [онлайн лотереялар] ҳақида гапириб беришни таклиф қилди. Мен рози бўлдим ва шунчаки: “Бу сайт совға ҳомийси” дедим. Билмадим. Мен барча блоггер ва актёрларга бирор нарсани реклама қилишдан олдин унинг нима эканлигини билиб олишларини маслаҳат бераман”, деди актриса Зиннура Рўзматова.
Яна бир таниқли ҳазил-мутойиба, ҳажвий шоу иштирокчиси Толибхўжа Ҳакимов Телеграмда қимор ўйинларида иштирок этишини эълон қилди. У ва бошқа блогерлар, онлайн лотереялар тақиқланганига қарамай, тақиқланган сайтларга ўтиш учун ҳаволалар ва реклама кодларини очиқ кўрсатдилар.
"Администраторим менга блогер Шуҳрат Аҳмедовдан реклама қилиш таклифини олиб келган. Маълум бўлишича, ушбу сайт [онлайн лотереялар] совринли ўйиннинг ҳомийси бўлган. Видеода иштирок этганимдан сўнг ижтимоий тармоқларга ҳам пост жойлаштирдим. Йўқ. Бу сайт қандай ишлашини биламан. Ҳаммадан узр сўрайман ва бундай видеоларни бошқа жойламасликка ваъда бераман”, деди Толибхўжа Ҳакимов.
Мазкур факт юзасидан терговга қадар текширув ўтказилиб, блогерларнинг ҳаракатларига ҳуқуқий баҳо берилиб, тегишли чоралар кўрилади.
