«Президентимиз бизни Ватанимизга олиб кетиш учун самолёт юборганликларини эшитиб, ҳаммамиз йиғлаб юбордик»

22-04-2019, 12:33
Жамият
«Президентимиз бизни Ватанимизга олиб кетиш учун самолёт юборганликларини эшитиб, ҳаммамиз йиғлаб юбордик»
Қозоғистоннинг Жамбул вилояти Қўрдай туманида 20 апрель санасида содир бўлган воқеа ҳақида хабар берган эдик.

Мазкур воқеадан сўнг жабрланганлар Ўзбекистонга олиб келинган эди. Шундан сўнг Ўзбекистон Соғлиқни сақлаш вазирлиги жабрланувчиларнинг аҳволи ҳақида қўшимча ахборот берди.

«Биз махсус авиаборт билан етиб борганимизда, қозоғистонлик шифокорлар томонидан жароҳатланган ҳамюртларимизга тезкор биринчи тиббий ёрдам кўрсатилган эди. Шифокорлар гуруҳи ФВВ ходимлари билан жароҳатланганларни авиабортга чиқаргач, бортнинг ўзида уларнинг саломатлиги қайта текширувдан ўтказилди. Керакли муолажалар зудлик билан бажарилди. Ўзбекистонда бизни махсус жиҳозланган тез тиббий ёрдам автомашиналари кутиб олди ва беморлар зудлик билан Республика шошилинч тиббий ёрдам илмий марказига етказилди», — дейди Республика шошилинч тиббий ёрдам илмий маркази директори Козим Маҳкамов.

Маълум бўлишича, жароҳатланганлар орасида қорақалпоғистонлик 34 ёшли Ўмирбек Ҳайитбоевнинг жароҳати анча оғир бўлган. «Агар унга ўз вақтида малакали тиббий ёрдам кўрсатилмаса, ҳаёти хавф остида қолаётган эди. Шифокорларнинг шошилинч равишда уринишлари натижасида Ўмирбекда мураккаб жарроҳлик операцияси муваффақиятли ўтказилди. Ҳозир бемор ўзини яхши ҳис қилмоқда», — дейилади Соғлиқни сақлаш вазирлиги ахборотида. Ҳозирда тан жароҳати олганлардан яна уч нафари операция столига олинган.

Вазирлик матбуот хизмати жабрланувчиларнинг сўзларидан ҳам иқтибос келтирган. «Авариядан кўпчилигимиз ўзимизни йўқотиб қўйдик. Чунки қаттиқ қўрққан эдик. Шундай пайтда кимга хабар бериш, кимдан ёрдам сўрашни ҳам билмай қолар экансан. Шунда эшитдикки, Президентимиз бизни Ватанимизга олиб кетиш учун самолёт юборган эканлар. Буни эшитиб, ҳаммамиз йиғлаб юбордик», — дейди ҳозирда Республика шошилинч тиббий ёрдам илмий марказида даволанаётган қашқадарёлик Аббос Ўлжабоев.
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Яратганга беадад хамд ва санолар булсин! 34 миллионга якин халки булган Узбекистон огир кадамлар б.н.мардона хар томонлама ривожланиш, узгаришлар сари интилмокда. Кадамларинг кутлуг булсин нурафшон ватаним!. Дунёнинг кайси бурчагида булсанг хам узингни давлатинг химоясида эканлигингни хис этиш бу бахт, гурур!. Козогистон республикаси худудида содир булган автохалокат натижасида халок булган биродарларимизни оллохим рахматига олсин, якинларига сабр токат тилайман, жарохат олган фукароларимиз тезгина согайиб оилалари багрига кайтсин, уз фукароларини огир дамларда ташлаб куймай, имкониятлар топиб шунчалик гамхурлик курсатган Давлатимиз рахбарига, хукумат аьзоларига, ушбу ишга жалб этилган барчп юртдошларимизга рахмат, Оллох уларнинг умрларини зиёда этсин!!!
Матлуба Юсупова 22 апрел 2019 17:47
Бевакт халок булганларнинг оиласига сабр, жарохат олганларга тезрок согайишни тилайман Тирикчилик важидан узга юртларга отланаетган юртдошларимни Аллохим панохида сакласин. Яна оз фурсатлар ичида ватанимиз янада бакувват булиб биз томонга иш излаб келишларига ишонаман.
Ahror7 22 апрел 2019 19:30
Миннатдормиз. Бу маколани укиб росса хурсанд булдим. Президентимизни Аллох панохида асрасин. Доимо бизни бахтимизга сог булсинлар.
Феруза 22 апрел 2019 21:17
Маколани укиб упкам тулиб йиглагим келиб кетди, сабаби олдин чет элда бир фалокат булса , бизани фукароларимиз борми юкми суралмасди хам... Дунё тургунча турсинлар Шавкат Миромонович.
Абдуқодир 22 апрел 2019 22:22
Аллохга шукурлар бўлсин бизга шунда призидент берганига одамни қадри кўтарилмоқда рахмат сизга мухтарам призидент аллоҳ таоло ўзи мададкор бўлсин!
Ирода 23 апрел 2019 05:49
Президентимизни Аллах уз панохида асрасин илохим халкимиз учун шунча яхши ишлар киляпти.
Feruz 23 апрел 2019 08:12
Каердан топасиз шундай Президентни? Хар бир Узбекистон фукороси ватан химоясида. Йолбашчимиз умирлари илохим узок булсин. Жабирланувчиларга эса хамдардлик билдирамиз.
muhae 23 апрел 2019 09:38
Оллох рози булсин Сиздан мухтарам Призидентими!!! Сог булинг дунё тургунча туринг бу қилган яхшиликлариз оллохдан қайтсин халқимиз бахтига соғ омон булинг
Сабаб 23 апрел 2019 21:13
Агар, мамлакатдан бошқа юртга гастрабайтерлик учун чиқиб кетаётганингизни айтганингизда сизни тўхтатиб, арзирли иш топиб беришганида севиниб йиғласангиз бўларди. Хайитдан кейин хинани қўлга қўйишдек гап.

Мушкулингизни осон қилсин. Ўтганларни охирати обод бўлсин. Ортида қолган яқинларига сабри жамил берсин.
Elyor 25 апрел 2019 07:53
Assalomu alaykum!
Bevaqt, musofirlikda, tirikchilik va oila tashvish yo'lida vafot etgan vatandoshlarimizni Olloh joylarini jannatdan ato etsin! Ularni ortidan qolgan barcha yaqinlariga sabr bersin!
Ollohga ming shukurlar bo'lsin shunaqa o'z vataningda inson qadr-qimmati birinchi darajaga ko'tarilib, biz fuqarolar uchun yaratib berilayotgan haqiqiy imkoniyatlar uchun! Shu paytgacha Prezidentimiz aytganlaridek "faqat og'zakidan 5" edi.
Shavkat Miromonovich Prezidentlikka kirishganidan boshlab aslida fuqarolarimiz qanaqa yashash kerakligini, kelajakka umid qilish qanaqa bo'lishini va fuqarolarimiz aslida qanaqa imkoniyatlarga hamda imtiyozlarga ega ekanliklarini ko'rsatib berdi.

МУНОСАБАТ БИЛДИРИШ

Сўнгги янгиликлар

1-майдан бошлаб Аи-80 бензин нархини давлат томонидан тартибга солиш бекор қилинади

Шу йил 1 май санасидан бошлаб Щзбекистонда Аи-80 бензин нархини давлат томонидан назоратга олиш тўхтатилда. Бу ҳақда...
Бугун, 12:32

Соғлиқни сақлаш вазирлиги: Икки нафар беморнинг аҳволи ўта оғир

Соғлиқни сақлаш вазирлиги томонидан Ўзбекистонда коронавирусга чалинганлар ҳақида батафсил маълумот берилди....
Бугун, 12:18

Тошкентда қор ёғиши кутилмоқда

Синоптикларнинг хабар беришича, Тошкентда қор ёғиши кутилмоқда. Пойтахтда қор шу йилнинг 7-8 апрель куни ёғиши...
Кеча, 22:56

«Эктор Купер футбол ‘стил’имизга тўғри келмайди» – Машарипов Бабаян ва Куперни Ўзбекистон МТЖ мураббийлигига нолойиқ деб топди

Футбол бўйича Ўзбекистон миллий терма жамоаси аъзоси Жалолиддин Машарипов жамоага нолойиқ деб билган мураббийлари...
Кеча, 22:19
/ Муҳокамалар +3

Ўзбекистонда 6 апрелдан фавқулодда ҳолат эълон қилинадими?

Ўзбекистонда фавқулодда ҳолат эълон қилиниши билан боғлиқ ижтимоий тармоқларда видеохабар тарқалди. Маълум бўлишича,...
Кеча, 21:45
/ Муҳокамалар +2