Қибрай туманида жойлашган “Микрокредитбанк”нинг Тошкент вилояти филиали ходими 1 миллиард сўм маблағни ўзлаштирганликда гумон қилинмоқда. Бу ҳақда Бош прокуратура ҳузуридаги департамент матбуот хизмати хабар берди.
Қайд этилганидек, кредит бўлими бошлиғи У.М. хусусий корхона раҳбари Ш.Ж. билан тил бириктириб, банкдан хабарисиз, сохта ҳужжатлар ёрдамида 1 миллиард сўм кредит олишган. Оқибатда улар банк манфаатларига жуда катта миқдорда зарар етказишган.
Мазкур ҳолат юзасидан Жиноят кодексининг 167-моддаси (ўзлаштириб юбориш ёки ўзлаштириш йўли билан ўғирлик), 189-моддаси (савдо ёки хизмат кўрсатиш қоидаларини бузиш) ва 205-моддаси (ҳокимият ёки мансаб ваколатини суиистеъмол қилиш) билан жиноят иши қўзғатилиб, тергов ҳаракатлари олиб борилмоқда.
