Ижтимоий тармоқларда Тошкент метрополитени йўловчилари қоронғуда вагонларда қолиб кетгани ҳақида маълумот тарқалди. Бу қандай содир бўлганини метрополитен матбуот хизмати тушунтирди.
Қайд этилишича, метронинг “Тинчлик” бекатида 34-йўналиш ҳаракатланувчи таркиби вагонларини электр энергияси билан таъминловчи ўчиргич ўчирилган, натижада битта вагонда ёруғлик ўчган.
Хабарда айтилишича, 30 сониядан сўнг ҳайдовчи иккита станциянинг оралиқ қисмидаги кўрсатмаларга мувофиқ машинани ёққан ва ёруғлик қайта тикланган.
