Бугун, 31-май куни “Ўзгидромет” мутахассислари фавқулодда хабар тарқатди.
Уларнинг хабар беришича, 2—4-июн кунлари республиканинг тоғли ва тоғолди туманларида вақти-вақти билан ёмғир ёғиши, айрим туманларда дўл ёғиши мумкин.
Шу муносабат билан тоғли ва тоғ олди ҳудудларида:
• Қашқадарё вилоятининг Яккабоғ, Деҳқонобод, Чироқчи, Китоб, Шаҳрисабз, Қамаши ва Ғузор туманларида;
• Сурхондарё вилоятининг Сариосиё, Узун, Олтинсой, Денов, Бойсун, Шеробод, Шўрча, Қумқўрғон ва Музработ туманларида;
• Самарқанд вилоятининг Ургут, Самарқанд, Булунғур, Нуробод, Қўшробод, Каттақўрғон, Пайариқ, Жомбой ва Иштихон туманларида;
• Навоий вилоятининг Хатирчи, Навбаҳор, Нурота, Конимех ва Кармана туманларида;
• Жиззах вилоятининг Зомин, Бахмал, Ғаллаорол, Шараф-Рашидов, Фориш ва Янгиобод туманларида;
• Тошкент вилоятининг Оҳангарон, Бўстонлиқ, Паркент, Пскент, Ўртачирчиқ, Юқоричирчиқ туманлари, шунингдек, Ангрен ва Олмалиқ шаҳарларида;
• Наманган вилоятининг Поп, Косонсой, Чортоқ, Чуст, Наманган ва Янгиқўрғон туманларида;
• Фарғона вилоятининг Сўх, Шохимардон, Фарғона ва Бешариқ туманларида;
• Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманлари, шунингдек, Андижон вилоятининг Хонобод шаҳрида сел келиши мумкин.
Тоғ олди ва тоғли ҳудудларда яшовчи фуқаролар, дам олувчилар ва тоғли ҳудудларга саёҳат қилаётган ҳайдовчилар эҳтиёт чораларини кўришлари сўралади.
Бундан ташқари, 2-июн куни шимолий, жанубий ва чўл зоналарида, 3-4-июн кунлари республика бўйлаб баъзи жойларда шамолнинг 18-23 м/с гача кучайиши, айрим туманларда чанг-тўзонли қор ёғиши мумкин.
