Самарқанд вилояти Пастдарғом туманида ҳокимлик тасарруфидаги захира ер участкаларини ноқонуний равишда сотмоқчи бўлган фуқаролар қўлга олинди. Бу ҳақда ЎзА хабар бермоқда.
Қайд этилишича, икки киши тил бириктириб, 70 гектар ерни маҳаллий аҳоли номига расмийлаштириб олишган. Бунинг учун улар 65 минг доллар талаб қилишган.
Ҳуқуқ-тартибот идоралари ходимлари фуқароларни аванс сифатида 32 минг доллар олаётган вақтда қўлга олди.
Ҳозирда мазкур ҳолат юзасидан Жиноят кодексининг тегишли моддалари билан жиноят иши қўзғатилиши режалаштирилган бўлиб, тергов ҳаракатлари олиб борилмоқда.
