– Бугунги акцияда иштирок этиш учун келган ёшлар кўнгилли қон топшириш ишларига ниҳоятда фаоллик ва хайрихоҳлик билан ёндашмоқдалар, - дейди математика факультети талабаси Сардор Муҳаммадиев. - Ўз ихтиёримиз билан топширган қон қайсидир беморнинг ҳаётини сақлаб қолишга ҳисса қўшиши мумкинлигидан ғоятда мамнунмиз. Барчангизни ушбу акцияга иштирок этишга чорлаб қоламан.
Ўзига хос инсонпарварлик намунаси бўлган бу каби тадбирлар замирида беморлар ҳаётини сақлаб қолишдек улкан ва хайрли иш турибди. Шу боис, унда иштирок этган ҳар бир инсон мазкур хайрли ишга дахлдордир.
Маълумот учун, мазкур акция 14 июнь бутунжаҳон донорлар кунига қадар давом этади. Бемор болалар ҳаётини сақлаб қолишга ҳисса қўшишни истаган 18 ёшдан 60 ёшгача бўлган соғлом фуқаролар бемалол иштирок этишлари мумкин.
Самарқанд давлат универиситети
Ахборот хизмати.
Шавкат Акрамов олган суратлар
