Денов туманидаги ер участкасида ўзбошимчалик билан қурилиш ишларини бошлаган фуқаро аниқланди, деб хабар бермоқда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти матбуот хизмати.
Бош прокуратура ҳузуридаги Департаментнинг ҳудудий бошқармаси ходимлари томонидан терговга қадар текширув ўтказилиб, ушбу тадбир давомида бир фуқаро Денов тумани Қоракўз маҳалласида жойлашган умумий майдони 2 сотих бўлган ер участкасини ўзбошимчалик билан тортиб олганлиги аниқланди. Мазкур участка ҳудудида фуқаро 69 квадрат метр майдондаги бинода қурилиш ишларини бошлаган.
Шунингдек, ушбу ер участкаси давлат мулки эканлиги ва қишлоқ хўжалиги учун мўлжалланганлиги аниқланди.
Мазкур ҳолат юзасидан фуқарога нисбатан Ўзбекистон Республикаси Жиноят кодексининг “Ер участкаларини ўзбошимчалик билан тортиб олиш” моддаси билан жиноят иши қўзғатилган. Эркак агар бу жиноятни биринчи марта содир этган бўлса ва жиноят аниқланган кундан бошлаб 30 кун ичида эгаллаб олган ерни қайтариб берган бўлса 2 йилдан 3 йилгача озодликдан маҳрум этилиши мумкин.
