Сурхондарё вилоятида 2021 йилда халқ таълими тизимида 19 та жиноят иши қўзғатилди, деб хабар беради Коррупцияга қарши курашиш агентлиги матбуот хизмати.
Маълумотларга кўра, юқоридаги ҳолатлар бўйича 27 нафар шахсга нисбатан жиноят иши қўзғатилган. Улар ўзлаштириш, фирибгарлик, порахўрлик каби жиноятларни содир этган.
Қайд этилишича, халқ таълими тизими Сурхондарё вилоятидаги энг коррупциялашган соҳалардан бири ҳисобланади. Барча жиноятчилар туман ва шаҳар халқ таълими бўлимлари ходимларидир.
