“Чой фестивали” да

“Чой фестивали” да
турли халқларга оид чой ичиш анъаналари намойиш этилди...

Самарқанд давлат университети талабалари дунёнинг турли халқлари урф-одатлари, миллий таомлари ва чой намуналарини намойиш этишди.
Самарқанд давлат университети ректори, профессор, Олий Мажлис Сенати аъзоси Рустам Холмуродов ҳамда Самарқанд вилоят ҳокими ўринбосари Хуршид Очилов “Чой фестивали”да тақдим этилаётган турли миллатларнинг анъаналари, миллий рақс ва қўшиқлари, шу билан биргаликда чой намуналарига баҳо берди. Таъкидлаш жоизки, ўзбек, рус, украин, озарбайжон, қозоқ, қирғиз, туркман, ҳинд ва корейс халқлари чой анъаналарига хос ўзгача жиҳатлар акс эттирилган кўргазмалар, том маънода, муайян миллатнинг миллий маданияти, меҳмон кутиш анъаналари, дастурхон безатиш усулларининг ноёб кўзгусидир.

“Чой фестивали” да


– Кореяда чой бериш анъаналари жуда ўзгача, - дейди биология факультети талабаси Виктория Ким. - Дастурхонга чой тортишда унинг иссиқлигини сақлаб туриш учун чойнак тагига албатта ликопча қўйилади. Корейслар чой сузиш жараёнида чойнакни пиёладан баландроқ тутиб чой қуйишга ҳаракат қилишади. Бунга сабаб, чой пиёлага тушгунича ҳаводаги кислород ҳисобига янада бойийди, бу эса чойни хуштаъм қилади, шу билан бирга уни ичувчига бахт келтиради деб ҳисоблашади. Қолаверса, пиёлаларга чой тўлдириб қуйилади. Корейс халқи чой билан нимширин маҳсулотлар истеъмол қилишни хуш кўрадилар.





– Бугунги фестивалда украин миллати миллий таомлари ва чой турларини кўрсатиб беришга ҳаракат қилдик, - дейди агробиотехнологиялар ва озиқ-овқат хавфсизлиги факультети талабаси Шаҳзод Йўлдошев. - Шу билан бирга украин миллий таомлари: қуймоқ, вареник (украин чучвараси), украин дудланган гўшти ва сарёғи каби миллий маҳсулотлардан ҳам намуналар кўришингиз мумкин. Бунга сабаб украин дастурхонида чой билан бирга бу маҳсулотлар ҳам албатта бўлади. Украин халқи турли резавор мевалар, айниқса малина ва черника қўшилган чой истеъмол қилишни хуш кўради. Украина тоғли ҳудуд бўлганлиги учун украин халқи турли гиёҳлардан тайёрланган чойларни кўп истеъмол қилади. Улар меҳмон кутиш жараёнида меҳмонни чой, махсус тайёрланган нон ва туз билан кутиб олишади. Нонга туз сепиб, чой билан берилади. Бу украин халқи маданиятига хос ўзгача анъанадир.





Ирода Бекмуродова
Самарқанд давлат университети
Ахборот хизмати ходими.
Шавкат Акрамов олган суратлар.

Ўхшаш янгиликлар

Мақола бўйича муносабатингизни билдиринг. Бизга Сизнинг фикрингиз жуда муҳим. Раҳмат!

Сўнгги янгиликлар

Самарқанд давлат университети илмий обсерваториясида қандай илмий тадқиқотлар олиб борилмоқда?...

Коинот, юлдузлар ҳамиша инсонларни ўзига қизиқтириб келган. Биз осмонга қараймиз ва осмондаги юлдузлар коинот бўйлаб тарқалиб кетганини...
Кеча, 23:54

Бадминтончилар тайёрлашнинг дастлабки босқичида нималарга эътибор бериш керак?

Бадминтон ХIХ асрнинг 70 йилларида Англияда расм бўлиб, ўйин қоидалари ишлаб чиқилгач, Европанинг бошқа мамлакатларига ҳам ёйилган. 1934...
Кеча, 23:50

Балиқларни сунъий шароитда қандай кўпайтириш мумкин?

Жаҳонда аҳолини озиқ-овқат билан таъминлаш муаммосини ҳал қилишда уларда қўшимча балиқчилик функциясини яратиш ички сув ресурсларидан...
Кеча, 14:30

Пропан-бутандан қандай фойдали элементлар олиш мумкин?

Бугунги кунда нефть ва газ муҳим кимёвий хомашё бўлиб, ҳозирги замон саноати ва энергетикасининг барча тармоқларида нефть ва газ...
Кеча, 06:00

Конституциявий ислоҳотлар ёшлар нигоҳида...

Самарқанд шаҳридаги Ёшлар марказида “Ўзбекистон Республикасининг Конституциясига ўзгартиш ва қўшимчалар киритиш тўғрисида”ги Конституциявий...
4-07-2022, 23:44
Ўзбекистон янгиликлари » Жамият » “Чой фестивали” да