Самарқанд давлат университети ректори, профессор, Олий Мажлис Сенати аъзоси Рустам Холмуродов тадбирни табрик сўз билан очиб, битирувчиларга келгуси иш ва ўқишларида омад ва муваффақият тилади.
-Билим олиш, билимга интилиш, билимни севиш, бош мақсадингиз бўлсин,-деди Рустам Холмуродов.- Билим нафақат ўзингизни, балки бутун оила аъзоларингизни, қолаверса жамиятимиз ҳаётини ўзгартиришга қодир кучдир. Фақат билим бахт келтиради. Тафаккур оламингизни кенгайтиради. Қудратингизни оширади. Бир-неча чет тилларини билишга ҳаракат қилинг. Китоб ўқиш кун тартибингизни ажралмас қисмига айлансин. Билим қўйинг фақат билим бизни тараққиётга элтади. Ватан тақдири билимли ёшларга боғлиқ. Биз келажакда Сиз билан фахрланишни истаймиз. Ҳаммангизга омад тилайман...
Шундан сўнг аъло баҳоларга ўқиган, намунали хулқи ва эришган муваффақиятлари билан бошқаларга ўрнак бўлган битирувчиларга тантанали равишда диплом топширилди. Шу билан биргаликда уларнинг ота-оналари ҳам ташаккурнома билан тақдирланди.
– Бугун икки йил давомида билим олиш йўлида чеккан заҳматларимизнинг самарасини кўриб турибмиз, - дейди СамДУ академик лицейи битирувчиси Нурия Ўролова. – Аъло даражали дипломни шахсан Самарқанд давлат университети ректорининг қўлидан олар эканман, юрагимда мени шундай эътирофга лойиқ қилган илмга бўлган ихлосим яна бир карра ортганини ҳис қилдим. Диплом билан биргаликда чет тилини билиш бўйича халқаро В2 сертификати ҳамда “Академик лицей ифтихори” стипендияси совриндорлиги гувоҳномасини ҳам топширишди. Келгусида Самарқанд давлат университети талабаси бўлишни орзу қиламан.
Ирода Бекмуродова
Самарқанд давлат университети
Ахборот хизмати ходими.
Шавкат Акрамов олган суратлар.
