СамДУ да Ҳиндистон-Ўзбекистон сунъий интеллект ва машинали ўқитиш маркази очилди

СамДУ да Ҳиндистон-Ўзбекистон сунъий интеллект ва машинали ўқитиш маркази очилди
Самарқанд давлат университетида рақамли технологиялар факультети ва Galgotias университети билан ҳамкорликда Ҳиндистон-Ўзбекистон сунъий интеллект ва машинали ўқитиш марказининг очилиш маросими бўлиб ўтди. Унда Самарқанд давлат университети илмий ишлар ва инновациялар бўйича проректори Ҳаким Хушвақтов, халқаро ҳамкорлик бўйича проректор Акмал Ахатов, рақамли технологиялар факультети жамоаси ва Ҳиндистоннинг Galgotias университети профессор-ўқитувчилари зоом платформаси орқали онлайн иштирок этди.

СамДУ да Ҳиндистон-Ўзбекистон сунъий интеллект ва машинали ўқитиш маркази очилди

Ушбу марказнинг асосий вазифаси замонавий технологиялар асосида таълим берадиган мутахассисларни тайёрлаш, алмашинув дастурларини йўлга қўйиш, симпозиум ва конференциялар уюштириш, сунъий интеллект, блокчейн, биоинформатика, бизнес аналитика йўналишлари бўйича илмий ишлар олиб бориш ҳамда тадқиқотчиларнинг илмий мақолаларини нуфузли журналларда чоп этишга кўмаклашишдир.


- Ҳиндистон-Ўзбекистон сунъий интеллект ва машинали ўқитиш марказининг очилиш Самарқанд давлат университетининг халқаро алоқаларини ва илмий нуфузини янада оширишга хизмат қилади, - дейди СамДУ илмий ишлар ва инновациялар бўйича проректор Ҳаким Хушвақтов. – Бу каби марказларнинг ташкил топиши халқаро ҳамжамиятда университет рейтингини белгилашда ва тадқиқотларимиз самарасини қай даражада эканлигини билишга катта роль ўйнайди. Қолаверса, тажрибаларимизни қўллашда синов майдончаси бўлади. Ушбу марказнинг фаолияти икки томонлама фойдали бўлишига ишончим комил…


- Самарқанд давлат университети билан 2018 йилдан бошлаб ҳамкорлик алоқаларни йўлга қўйганмиз, - дейди Галготиас университети информатика ва муҳандислик факультети декани, профессор Муниш Сабҳарвал. – Марказ дарслари инглиз тилида олиб борилади. Ушбу марказда таҳсил олган талабалар бир семестр давомида Галготиас университетига ўқишларини давом эттиришлари мумкин. Қолаверса, сунъий интеллект, блокчейн, биоинформатика, бизнес аналитика йўналишлари бўйича тадқиқот олиб боришда Галготиас университетидан илмий раҳбар тайинлаймиз ва бу борада доимий ҳамкорликка тайёрмиз…



Беҳруз ШАМСИДДИНОВ
Самарқанд давлат университети
Ахборот хизмати ходими,
Шавкат АКРАМОВ олган суратлар

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Каспий Media мактабининг халқаро лойиҳасида МДҲ мамлакатларидан 40 нафар журналист иштирок етди

Астраханда халқаро таълим лойиҳаси-Каспий Media мактаби якунланди. Россиянинг Озарбайжондаги елчихонаси ва Бокудаги Россия уйининг...
Бугун, 17:56

Тадқиқот: Колумб ўтининг қишлоқ хўжалигида аҳамияти қандай?

Колумб ўти – буғдойдошлар оиласининг жўхори туркумига мансуб кўп йиллик ем-хашак ўсимлиги бўлиб, ватани Аргентина. 1943 йилда Аргентиналик...
Бугун, 15:18

Қорамолчиликда сигирларнинг кўп сут бериши учун нима қилиш керак?

Аҳолининг қишлоқ хўжалиги маҳсулотларига бўлган талабини қондиришда чорвачилик соҳасининг аҳамияти катта. Қорамолчилик чорвачиликнинг...
Бугун, 15:13

Физикани ўқитишда қандай қилиб яхши натижага эришиш мумкин?

Бугунги кунда мактабларда ўқитиш тизимини тубдан ислоҳ қилиш ва профессор-ўқитувчиларнинг касбий педагогик маҳоратини ривожлантиришда...
Бугун, 15:10

Қандай қилиб мактабларда бошланғич таълим сифатини яхшилаш мумкин?

Ҳар қандай жамиятда ҳам буюк давлатнинг барпо этилиши ёшларнинг маънавий тафаккури, дунёқарашининг қандай бўлишига ва қандай тарбия олишига...
Бугун, 15:08
Ўзбекистон янгиликлари » Жамият » СамДУ да Ҳиндистон-Ўзбекистон сунъий интеллект ва машинали ўқитиш маркази очилди