Самарқанд давлат университети ректори, профессор, Олий Мажлис Сенати аъзоси, Рустам Холмуродов, “Зарафшон” ва “Самаркандский вестник” газеталари бирлашган таҳририяти бош муҳаррири, Сенатор Фармон Тошев ҳамда Самарқанд вилояти Адлия бошқармасининг ҳуқуқий тарғибот ва маърифат бўлими бошлиғи Ориф Муҳаммадиев иштирок этиб, мавзуга оид таклифларни муҳокама қилди.
Тадбир видеоалоқа шаклида ҳам давом этиб, агентликнинг туман ва шаҳарлардан маҳалла ёшлар етакчилари фаол қатнашди.
Йиғилганларга Конституциявий қонун лойиҳасига мувофиқ, ҳужжатнинг муқаддима қисми ва 64 та моддасига 200 дан ортиқ ўзгартириш ва қўшимчалар, 6 та янги модда киритилиши режалаштирилаётганлиги, 2022 йилнинг 20 июнь куни Конституциявий комиссия аъзолари билан бўлиб ўтган учрашувда Ўзбекистон Республикаси Президенти Шавкат Мирзиёев томонидан илгари сурилган устувор йўналишлар ҳақида батафсил маълумотлар берилди. Шунингдек, барча ёшларни ушбу ислоҳотларда фаол қатнашиши кераклиги таъкидланди.
- Конституция бу қотиб қолган ҳужжат эмас. Айнан Конституция инсонларнинг янгидан-янги хоҳиш-истакларини ифода этиши шарт ва зарурдир, - дейди Рустам Холмуродов. - Мен янгиланаётган Ўзбекистон Конституцияси Президентимиз таърифлаганидек ҳақиқий халқ Конституцияси бўлишига ишонаман. Эртага шундай даврлар келадики, миннатдор авлодалар конституцион ислоҳотлар учун ташаккур айтади, миннатдорлик билдиради…
Самарқанд давлат университети
Ахборот хизмати
