- Маълумки, жаҳон миқёсида иқлим омилларининг ўзгариб бориши натижасида чўл қурғоқчил майдонларининг ортишига ҳамда ушбу ҳудудларда ўсишга мослашган ўсимликларни кенг доирада ўрганишга бўлган тадқиқотлар ҳам ортиб бормоқда, - дейди Шаҳзод Аханбаев. - Биз ҳам ҳозирга қадар тадқиқотларимизда Ўзбекистоннинг қурғоқчил ҳудудларида ўсувчи изен ўсимлиги билан боғлиқ эндофит бактерияларни ажратиб олиб, уларни замонавий молекуляр генетик усуллар ёрдамида идентификация қилдик. Тадқиқотларимиз давомида ажратиб олинган микроорганизмларни қишлоқ хўжалиги экинларига зарар келтирувчи фитопотоген микроорганизмларга қарши фаоллиги ва ўсимликлар ўсишини ривожлантирувчи хусусиятларини ўргандик. Бугунги кунда истиқболли штаммларнинг антибиотикларга чидамлилигини аниқлашга қаратилган тажрибаларимиз давом этмоқда. Биз томонимиздан олиб борилган тадқиқотлар натижасида қишлоқ хўжалик экинларининг касалликларга ва қурғоқчиликка чидамлилигини таъминлайдиган истиқболли бактериал штаммлар танланади ва амалиётга жорий этилади.
Илмий изланиш натижалари асосида тадқиқотчи томонидан ОАК рўйхатидаги республика журналларида 4 та ва Ҳиндистондаги нуфузли журналда 1 та илмий мақола, шунингдек, республика ва халқаро конференциялар материалларида 20 га яқин тезислари чоп этилган.
Самарқанд давлат университети
Ахборот хизмати.
Шавкат Акрамов олган суратлар.
