Кинематография агентлиги буюртмасига биноан “Ҳужжатли ва хроникал фильмлар киностудияси” ДУК ва Американинг V&Co LLC (NY USA) агентлиги томонидан Бухорода “Марко Полонинг Ўзбекистондаги саргузаштлари” номли ҳужжатли фильм суратга олинмоқда.
Аввалроқ Навоий вилоятидаги «Сардоба» ва “Работу Малик” тарихий мажмуаларида, шунингдек Самарқанд вилоятидаги қадимий масканларда ҳам съёмка ишлари олиб борилган эди.
Фильмда италиялик машҳур саёҳатчи Марко Полонинг ҳаёти ва унинг саргузаштлари, жумладан Ўрта Осиёдаги сафарлари ҳақида ҳикоя қилинади.
Фильм сценарий муаллифи Елена Кожевникова, постановкачи режиссёр Андрей Вязигин. Бу ҳақда Кинематография агентлиги Ахборот хизмати хабар берди.
