Ернок ҳақида эшитганмисиз?

Ернок ҳақида эшитганмисиз?
Топинамбурни халқимиз ернок деб ҳам атайди. Америкалик ҳиндулар уни узоқ умр кўриш воситаси дейишади. Чунки, унинг танани умумий қувватини оширувчи хусусиятлари бисёр. Ернокдан мунтазам истеъмол қилиб турилса, аъзоларга туз йиғилиши, 2-тур қандли диабет, меъда-ичак хасталиклари, камқонлик, атеросклероз, буйрак ва сийдик йўлларида тош ҳосил бўлишида, асаб касалликларининг олдини олишда жуда қўл келади. Ернок барги ва тугунагини янги ҳолда ёки қуритилган ҳолда ишлатиш мумкин. Янги териб олинган картошкасидан 50 г. тозалаб, унга ҳеч нарса қўшмасдан овқатдан 30 дақиқа олдин, кунига 3 маҳал истеъмол қилинса, қондаги қанд миқдори камаяди. Баргидан салат тайёрланса фақат қандли диабетнигина эмас, балки гипертония, меъда ости бези хасталикларини даволашда ҳам аҳамияти жуда каттадир.

Янги териб олинган, ернокнинг 3 донасини 1 литр сувга солиб, 10-15 дақиқа давомида мева шарбати каби қайнатасиз. Ернокнинг қуритилганидан ишлатмоқчи бўлсангиз, 1-2 литр сувга 3 ош қошиқ олиб 1 соат давомида милдиратиб қайнатасиз. Тайёр дамламани илиқ ҳолда ёки совутилганини кунига 1 л.дан ичиш тавсия этилади. Бундай қайнатма қондаги қанд миқдорини камайтирибгина қолмай, балки қон босимини ҳам туширади. Меъда ости безининг иш фаолиятини яхшилайди, қондаги гемоглобин миқдорини оширади. Унда моддалар алмашинувини яхшилайдиган пектин ва органик кислоталар мужассам.

Топинамбурнинг ватани Шимолий Америка ҳисобланади. Европага XVII аср бошларида келтирилган. Ўзбекистонда силосбоп экин сифатида экилади. Техник ва озиқ-овқат ўсимлиги ҳисобланади. Топинамбурдан тиббиётда ҳар хил дори-дармонлар тайёрланади. Таркибида оқсил, ёғлар, азотсиз моддалар, В ва С витаминлар учрайди. Ернокдан қанд, фруктоза ва спирт ишлаб чиқаришда фойдаланилади.

Зебинисо Умурзакова
Самарқанд давлат университети
ботаника кафедраси доценти

Ўхшаш янгиликлар

  1. Мамур 17 сентябр 2022 11:45
    Уруғини қаердан олса бўлади. У қандай экилиши хақида маьлумот берсаларингиз.
Мақола бўйича муносабатингизни билдиринг. Бизга Сизнинг фикрингиз жуда муҳим. Раҳмат!

Сўнгги янгиликлар

Ўзбекистоннинг дунё тан олган дипломатик муваффақияти

Шанхай ҳамкорлик ташкилоти тарихий қисқа давр ичида минтақавий ва глобал жараёнларнинг таъсирчан иштирокчисига айланди. Ташкилот Евроосиё...
Кеча, 10:12

Самарқандда дунё ҳисоб илми вакилларини жам этган анжуман бўлиб ўтди...

Самарқанд давлат университетида академик Саидаҳмад Лақаевнинг 70 йиллик юбилейига бағишланган “Математик анализ ва унинг замонавий...
Кеча, 00:02

Буюк математиклар Самарқанд давлат университетида…

Самарқанд давлат университети математик физика ва функционал анализ кафедраси мудири, академик, «Дўстлик» ордени соҳиби Саидаҳмад Лақаев...
23-09-2022, 23:57

Россия ҳарбий хизматга мажбур бўлган россияликларга нисбатан Жиноят кодексига ўзгартиришлар киритди

Россия Федерацияси Давлат Думаси ҳарбий хизматга мажбур бўлган россияликларга нисбатан Жиноят кодексига ўзгартиришлар киритди. Енди...
20-09-2022, 17:40
1

Депутатлар сайёр қабулида қувасойлик фуқароларнинг мурожаатлари ижобий ечим топилди

Қувасой шаҳар халқ қабулхонасида халқ депутатлари қувасой шаҳар кенгаши котибияти ташаббуси билан навбатдаги "депутатлар сайёр қабули"...
20-09-2022, 17:31
Ўзбекистон янгиликлари » Жамият » Ернок ҳақида эшитганмисиз?