Смартфон иловалари мижознинг 99 фоиз маълумотларини тўплаган ва 4 йўналиш бўйича маълумотларни номаълум манзилга юборган.
Бу "Incogni" компаниясининг "Google Play"да ўтказган тадқиқотида маълум бўлди.
Тадқиқот ўтказилган иловаларнинг 13.4 фоизи тахминий жойлашувни, 3.85 фоизи қурилманинг аниқ жойлашинувини узатган.
Шунингдек, баъзи иловалар видео, фотосуратлар, файллар, шахсий хабарлар, ирқий, диний маълумотларни учинчи шахсга жўнатган.
"Ҳурматли фойдаланувчилар, текширилмаган, шубҳали, зарурат бўлмаган мобил иловаларни телефон қурилмангизга юклаб олмаслик ва ўрнатмасликларингизни тавсия қиламиз, дея огоҳлантиради Ўзбекистон Республикаси Ички ишлар вазирлиги Киберхавфсизлик маркази ўзининг расмий телеграм каналида.
