Янги ўқув йилидан вилоятда 15 та Президент таълим муассасалари агентлиги тизимидаги ихтисослаштирилган мактаблар очилди. Жумладан, Қўшработ туманида 2 та, қолган туманларда биттадан ихтисослаштирилган мактаблар ташкил этилди (Жомбой ва Булунғур туманларидан ташқари).
Дастлаб ушбу мактабларга 35 мингдан ортиқ ўқувчи ҳужжат топширган бўлиб, улардан 5074 нафари 5-11-синфларга имтиҳон асосида саралаб олинди.
Шунингдек, 3 мингдан ортиқ талабгор ўқитувчиларнинг 560 нафари танлов асосида ишга олинди.
Куни кеча барча ихтисослаштирилган мактабларда “Билимлар куни” кенг нишонланиб, янги ўқув йили “Мустақиллик дарслари” билан бошланди.
