Нуфузли конференцияда Самарқанд вилояти ҳокими Эркинжон Турдимов, СамДУ ректори, Ўзбекистон Республикаси фан арбоби Рустам Холмуродов, Ўзбекистон Қаҳрамони, академик Шавкат Аюпов, академик Шавкат Алимов, академик Азимбой Саъдуллаев, ЎзР ФА В.И Романовский номидаги Математика институти профессори Равшан Ашуров, Миссури университети (Колумбия) профессори Константин Макаров, Виктория университети (Канада) профессори Амирали Баниасади ва бошқалар иштирок этди…
- Самарқанд давлат университети илм-фан маркази ҳисобланиб, етук олим ва алломалар етишиб чиққан улуғ даргоҳдир, - дейди Самарқанд вилояти ҳокими Эркинжон Турдимов. - Университетда амалга оширилаётган ишлар жаҳон олимлари ва мутахассислар томонидан эътироф этилмоқда. Буни хорижий давлатлардан иштирок этаётган нуфузли меҳмонлар мисолида ҳам кўришимиз мумкин. Саидаҳмад Лақаев бошчилигидаги Самарқанд математика мактаби Ўзбекистон илм-фанининг юқори поғонасидан жой олган десам, адашмаган бўламан…
- Саидаҳмад Лақаев Ўзбекистондаги 7 нафар математик академиклардан бири, - дейди академик Шавкат Аюпов. - Олим билан бирга 30 йилдан буён ишлаб келамиз. Моҳир педагог, маҳоратли математик. Жаҳон математика анализ илмининг устуни Саидаҳмад Лақаевни нафақат олим, балки етук инсон сифатида биламан. 5 фан доктори, 13 нафар фан номзодини тайёрлаб, ўз илмий мактабини yaratgan...Bugungi конференция сабаб жаҳон математиклари билан бир ерга йиғилганимиздан хурсандман. Конференциянинг ишига омад тилайман…
Беҳруз Шамсиддинов
Самарқанд давлат университети
Ахборот хизмати ходими,
Шавкат Акрамов олган суратлар.
