Бутун эрта тонгдан ОАВда Тошкент шаҳрида совуқ сувнинг нархи оширилгани ҳақида хабарлар тарқалган эди. Табиийки барча ОАВ корхона сайтига ҳавола бериб янгиликларни ёритган.
Лекин айни пайтда корхона сайтида бу маълумот йўқ.
Шу ўринда телеграмдаги "ZedNews" канали сув нархи оширилиши билан боғлиқ янгиликни қуйидагича ёритган.
"Аслида...
Қонунчиликка кўра, коммунал хизматлар нархи ошадиган бўлса, камида 15 кун олдин ОАВда эълон қилиниши керак. "Сувсоз" ва бошқа коммунал корхоналар истеъмолчиларни ҳар доимгидек бир тийинга олмайди ва шунинг учун истаган пайтида эълон қилаверади.
Хўш, унда Истеъмолчилар ҳуқуқларини ҳимоя қилиш федерацияси деган ташкилот нима қилиб ўтирибди? Ҳеч бўлмаса, улар истеъмолчини ҳимоя қилсин. Қаёқдаги майда-чуйда ахборотлар билан оғиз кўпиртиришни билишади-ку.
Яқинда Тожикистонда коммунал тўловлар нархи оширилганда депутатлар жиддий қаршилик қилганди. Қани халқ сайлаган депутатларимиз? Кўзбўямачиликка муаммолар кўтариб чиққунча мана шунақа нарх ошган пайтларда ҳам ўзларини кўрсатишсин!" - деб ёзади "ZedNews".