Шу кунларда Африка қитъасининг Уганда давлатида Эбола вируси тарқалмоқда. Жаҳон соғлиқни сақлаш ташкилоти бош директори Тедрос Гебрейесус хасталик эпидемияга айланиб, бошқа ҳудудлар аҳолисига ҳам хавф солишидан жиддий ташвишда.
“Эболани жиловлаш осон кечмайди, — дейди ЖССТ раҳбари. — Бунинг учун биргаликдаги саъй-ҳаракатларни кучайтириш лозим. Қолаверса, хасталик ҳақида жамоатчиликни кенг хабардор қилиш эпедимияга қарши кураш самарадорлигини оширади."
Маълумот учун, Эбола вирусининг яширин муддати 21 кунгача давом этади. Энг ёмони, уни юқтирганларнинг ўртача 50 фоизи касаллик оқибатида ҳаётдан кўз юмади.
