Диетолог Лидия Ионова мандаринни бир кунда қанча миқдорда истеъмол қилиш мумкинлиги ҳақида гапириб берди.
Унинг айтишича, мандариннинг кунига рухсат этилган нормаси 200-400 грамм. Бир ўтиришда бир килограмм мандарин истеъмол қилиш, ошқозон-ичак тизими фаолиятининг бузилишига олиб келади, ҳатто, аллергияни ҳам юзага келтириши мумкин.
Ўтган йилнинг декабрь ойида Роспотребнадзорнинг Москва вилояти бўйича озиқ-овқат гигиенаси назорати бўлими бошлиғи Надежда Раева мандаринларни қандай танлаш кераклигини айтди. Унинг сўзларига кўра, меваларнинг қобиғига эътибор бериш керак ва агар улар ёпишқоқ ва ҳўл бўлса, мандаринлар тезда ёмонлашади ва моғорланади. Улар, шунингдек, моғорланиш оқибатида юзага келадиган токсинларни ўз ичига олиши мумкин.
Шу билан бирга, эндокринолог, “СМ-клиники”нинг диетологи, тиббиёт фанлари номзоди Оксана Михалева мандаринларни ортиқча истеъмол қилиш хавфи ҳақида гапирди. Унинг сўзларига кўра, айниқса, мандаринда мевали кислоталар кўп бўлиб, бу ошқозон суюқлигида кислота миқдори юқори бўлган, ошқозон яраси касаллиги мавжуд бўлган одамларда ошқозон шиллиқ қаватини яллағланишини юзага келтиради.
