Андижонда 41 киши жароҳатланган автоҳалокат қурбонлари сони 4 нафарга етди

Андижонда 41 киши жароҳатланган автоҳалокат қурбонлари сони 4 нафарга етди
Соғлиқни сақлаш вазирлиги матбуот хизматининг маълум қилишича, Андижонда юз берган автоҳалокат оқибатида жабрланганлардан яна бири вафот этиб, уларнинг сони 4 нафарга етди.

Қайд этилишича, 26 ноябрь куни А-373 Тошкент—Ўш—Андижон автомагистралининг 389-390-километрлари оралиғида Isuzu автобуси ва Фура юк машинаси тўқнашиб кетган. Ушбу йўл-транспорт ҳодисаси оқибатида 3 нафар фуқаро воқеа жойида вафот этгани, 38 нафар йўловчи турли жароҳатлар билан шифохонага ётқизилгани айтилганди.

Айни пайтда Соғлиқни сақлаш вазирлиги назоратида бўлган ушбу беморлардан 4 нафарига тиббий хулосалар ижобий бўлгани учун амбулатор шароитда даволаниш учун уйига рухсат берилган. Ўта оғир аҳволдаги яна бир нафар бемор амалга оширилган реанимацион чораларга қарамасдан вафот этган.

Ушбу фуқаро шифохонага бош миянинг оғир даражада лат ейиши, мия ўзаги шикастланиши, қорин бўшлиғи аъзолари ёпиқ жароҳати, жигар сегментларининг эзилиб ёрилиши, чап билак суягининг очиқ синиб силжиши, ўнг болдир соҳаси олд юзаси ва ўнг қўл тирсак соҳаларининг 2-даражали куйиши, 3-даражали травматик шок ташхиси билан олиб келинган эди. Унда белгиланган стандартлар бўйича барча зарур амалиётлар ўтказилган.

Ҳозирда 33 нафар беморда шифокорлар зарур муолажаларни давом эттирмоқда. Назоратда турган беморларнинг 11 нафари РШТЁИМ Андижон филиалида, 16 нафари Асака тумани, 4 нафари Бўстон тумани, 2 нафари Шаҳрихон тумани шошилинч тиббий ёрдам бўлимларида даволанмоқда.

Ушбу беморларнинг 1 нафари ўта оғир, 5 нафари оғир аҳволда. Соғлиқни сақлаш вазирлиги уларнинг ҳолатини тўлиқ назоратга олган бўлиб, беморлар зарур тиббий ёрдам ва дори-дармонлар билан тўлиқ таъминланган.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Республика ишчи гуруҳи: пойтахт натижалари

Бу йилги қиш пойтахт аҳолиси учун ҳам анча синовли келгани, электр ва иссиқлик энергияси, табиий газ, ичимлик суви каби энг бирламчи ҳаётий...
31-01-2023, 20:35

“ Самарқанд давлат университети талабаларига дарс ўтганимдан сўнг инглиз тилини билиш даражаси сезиларли даражада ўсди...”

Бу - Осиё чет тили ўқитувчилари уюшмаси президенти, Самарқанд давлат университети инглиз тили кафедраси мудири, профессор Равиндер...
27-01-2023, 22:05

Пандемия сабаб тўхтаган Фарғона–Қирғизистон йўналишидаги микроавтобус қатнови қайта тикланди

Пандемия сабаб тўхтаган Фарғона–Қирғизистон йўналишидаги микроавтобус қатнови қайта тикланди 26 январдан бошлаб “Фарғона – Қувасой –...
27-01-2023, 11:44

2022 йилнинг 12 ойи мобайнида Тошкентда 1200 та йўл-транспорт ҳодисаси содир бўлган

Маълумотларга кўра , 2022 йилнинг 12 ойи мобайнида Тошкентда 1200 та йўл-транспорт ҳодисаси содир бўлган. ЙТҲ оқибатида ҳалок бўлганлар...
27-01-2023, 11:42

O'zLiDeP ўзаро манфаатли ҳамкорликни қўллаб-қувватлайди

Куни кеча мамлакатимиз Энергетика вазирлиги билан “Газпром” компанияси ўртасида газ соҳасида ўзаро ҳамкорлик қилиш бўйича “йўл...
27-01-2023, 11:40
Ўзбекистон янгиликлари » Жамият » Андижонда 41 киши жароҳатланган автоҳалокат қурбонлари сони 4 нафарга етди