Шароф Рашидов номидаги Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродовнинг “Халқ сўзи” газетасида эълон қилинган “Миллат учун ҳаёт-мамот масаласи” мақоласида мамлакатимизнинг миллий ғояси қандай бўлиши кераклиги тўғрисидаги фикрлар илгари сурилган.
Мақолада кўп йиллардан бери айтиб келинаётган, лекин амалда йўқ миллий ғоя тўғрисида асосли фикрлар айтилган.
Оғриқли бўлса ҳам тан олиш керакки, бугун айрим соҳаларда ортда қолиб бораётганлигимизнинг асосий сабаби таълимга эътиборнинг сустлиги эканлигидадир. Бу аччиқ ҳақиқатни ҳамма яхши англаб турибди. Лекин мақола муаллифи каби дадил кўтариб чиқишга жасорат етишмайди.
Бугун жамиятнинг салоҳиятини кўтариш учун қилинаётган ишлар етарли эмас, деб ўйлайман.
![Миллий ғоя ҳаётимизнинг мазмунини, маъносини ташкил этиши керак]()
Мамлакатни мураккаб бўлган бундай ижтимоий-иқтисодий ҳолатдан фақатгина юксак салоҳиятли кадрлар билангина қутқариб қолиш мумкин. Бунда сифатли шакллантирилган таълим тизими ва самарали илмий натижалардан ўзга нажот йўқ. Таълим-тарбия масаласи нафақат бир шахснинг иши, балки бутун миллатнинг олдида турган долзарб вазифадир.
Мақола муаллифи таъкидлаганидек, миллий ғоя халқни ягона мақсад йўлида бирлаштириши лозим. Миллий ғоя ҳаётимизнинг мазмунини, маъносини ташкил этиши керак.
![]()
Бугун Ватан олдидаги бурчимизни, миллат олдидаги масъулиятимизни янада чуқурроқ англашимиз кераклигини ҳаётнинг ўзи тақозо этмоқда.
Ҳамма армонларимиз, оғриқларимиз, муаммоларимиз замирида билимсизлик ётганини, билимсизлик оёғимизга кишан бўлаётганини қачон англаб етамиз.
Қачон дабдабали тўй-маракалар қилишга, ортиқча ҳой-ҳавасларга берилишга, ҳашаматли уй-жойлар қуришга чек қўямиз?
Қачон ҳамма кучимизни, имкониятимизни болаларимизни ўқитишга сарфлаймиз? Фарзанд таълим-тарбияси ҳаммасидан устун эканлигини қачон тушуниб етамиз?
Сифатли таълим, самарали илм, салоҳиятли авлодни етиштириш миллий ғоямизга айлансагина, ҳаётимиз ўзгаради, мамлакатимиз ривожланади, жамиятимиз соғломлашади.
Мақолада кўп йиллардан бери айтиб келинаётган, лекин амалда йўқ миллий ғоя тўғрисида асосли фикрлар айтилган.
Оғриқли бўлса ҳам тан олиш керакки, бугун айрим соҳаларда ортда қолиб бораётганлигимизнинг асосий сабаби таълимга эътиборнинг сустлиги эканлигидадир. Бу аччиқ ҳақиқатни ҳамма яхши англаб турибди. Лекин мақола муаллифи каби дадил кўтариб чиқишга жасорат етишмайди.
Бугун жамиятнинг салоҳиятини кўтариш учун қилинаётган ишлар етарли эмас, деб ўйлайман.
Мамлакатни мураккаб бўлган бундай ижтимоий-иқтисодий ҳолатдан фақатгина юксак салоҳиятли кадрлар билангина қутқариб қолиш мумкин. Бунда сифатли шакллантирилган таълим тизими ва самарали илмий натижалардан ўзга нажот йўқ. Таълим-тарбия масаласи нафақат бир шахснинг иши, балки бутун миллатнинг олдида турган долзарб вазифадир.
Мақола муаллифи таъкидлаганидек, миллий ғоя халқни ягона мақсад йўлида бирлаштириши лозим. Миллий ғоя ҳаётимизнинг мазмунини, маъносини ташкил этиши керак.
Бугун Ватан олдидаги бурчимизни, миллат олдидаги масъулиятимизни янада чуқурроқ англашимиз кераклигини ҳаётнинг ўзи тақозо этмоқда.
Ҳамма армонларимиз, оғриқларимиз, муаммоларимиз замирида билимсизлик ётганини, билимсизлик оёғимизга кишан бўлаётганини қачон англаб етамиз.
Қачон дабдабали тўй-маракалар қилишга, ортиқча ҳой-ҳавасларга берилишга, ҳашаматли уй-жойлар қуришга чек қўямиз?
Қачон ҳамма кучимизни, имкониятимизни болаларимизни ўқитишга сарфлаймиз? Фарзанд таълим-тарбияси ҳаммасидан устун эканлигини қачон тушуниб етамиз?
Сифатли таълим, самарали илм, салоҳиятли авлодни етиштириш миллий ғоямизга айлансагина, ҳаётимиз ўзгаради, мамлакатимиз ривожланади, жамиятимиз соғломлашади.
Санжар ТИЛЛАЕВ,
Самарқанд давлат университети
кимё факультети декани, доцент.
