Ташрифдан асосий мақсад томонлар ўртасида ҳамкорлик меморандумини имзолаш, таълим соҳасига оид гранд лойиҳалар устида иш олиб бориш каби масалаларни муҳокама қилишдир.
Рустам Холмуродов учрашувда юртимизда олий таълим тизими, ундаги ўзгаришлар, магистратурага қабул, талабаларнинг чет тилини билиш даражаси ҳақида алоҳида тўхталди.
Музокаралар чоғида Эдуард Галажинский меҳнат бозори, кадрлар салоҳияти ва таълим сифатини таҳлил қилиш учун Биг Дата технологиясидан фойдаланиш таклифини илгари сурди.
Мулоқотда чет тилларини ўқитиш жараёнларига ахборот технологияларини жорий этиш лозимлиги юзасидан фикр алмашилди.
Шунингдек, ҳамкорликда масофавий тарзда тадқиқот олиб борадиган замонавий илмий лабораториялар яратиш, ёзги мактаб дастури асосида талабалар стажировкасини ташкил этиш, профессор-ўқитувчи ва тадқиқотчилар алмашинувини йўлга қўйиш бўйича келишувга эришилди.
Музокаралар сўнгида томонлар ўртасида англашув меморандуми имзоланди.
Делегация таркибида ташриф буюрган Россия Фанлар академиясининг Сибир федерал Агробиотехнологиялар илмий маркази директори Крилл Голохваст СамДУ Агробиотехнологиялар ва озиқ-овқат хавфсизлиги институти билан ҳамкорлик шартномасини имзолади.
Музокаралардан сўнг делегация вакиллари СамДУ археология ва зоология музейи билан танишди.
Самарқанд давлат университети
Ахборот хизмати.
